Домбыра пати.

А́нтон Семенович Макаренко атындағы орта мектебі бойынша осынау игі бастама Елбасының "Рухани жаңғыру" мақаласы аясында және Қазақстан Республикасының Тәуелсіздігіне 30 жыл толуына орай ұйымдастырылды. Аталған іс-шара "Карантин бізді алыстатса да, біз өнерімізбен біргеміз!" ұранымен "Домбыра Party" іс-шарасы Д.Қонаев көшесінің бойында (ашық аспан астында) ұйымдастырылды.
Іс-шараның мақсаты: Қазақтың төл аспабын насихаттап, ұлттық өнерді паш ету. Аталмыш игі шарада көше тұрғындары мен көпшілік те өз өнерлерін ортаға салды.
Домбыра пати- аты айтып тұрғандай қазақтың қара домбырасы арқылы ұлтымыздың төл өнерін насихаттауға бағытталған игі шара. Бүгінгідей алмағайып заманда ұлттық жауһарларымыздың тасада қалмай, жалпыхалықтық өнерге айналуы басты мақсат. Сондықтан да, домбыра патилер, белгілі бір күнде бұқара халық көп шоғырланатын қаланың қоғамдық орындарында, яғни ашық аспан астында ұйымдастырылды. Іс-шарада домбырамен күйлер тартылып, аспап сүйемелдеуімен әндер де шырқалады.Аталған іс-шара жалғасын табады.