Балалардың қауіпсіздігін қамтамасыз ету мақсатында атқарылған іс-шаралар

А.С. Макаренко атындағы шағын орталықты орта мектебінде оқушылардың қауіпсіздігін қамтамасыз ету мақсатында іс-шаралар жүргізілді. Атап айтатын болсам, «Жол ережесін біліп жүр ,жасөспірім!» тақырыбында әр сыныпта бірыңғай тәрбие сағаты, 21 қаңтар күні Шу АПБ –нің қызметкерлері «Жол ережесін сақта, жасөспірім!» тақырыбында дәріс оқыса, мектеп медбикесі «Жарақат алған кезде көрсетілетін алғашқы көмек» тақырыбында түсіндірме жұмысын жүргізді. Жалпы мектепте оқушылардың қауіпсіздігін қамтамасыз ету мақсатында атқарылған жұмыстар құқық бұзушылық кеңесінің мүшелері арасында талқыланып,қорытынды шығарылып отырады


Оқушылардың меткепте қауіпсіздігін қамтамасыз ету мақсатында мектеп инспекторымен бірлесе отырып білім беру ұйымының аумағында ,ғимарат ішінде күн сайын тексеру ұйымдастырылып отырылса,100метр қашықтықта орналасқан дүкендерге мектеп әкімшілігі мен мектеп инспекторы бірлесе отырып,дүкендерде баланың денсаулығына зиян келтіретін өнімдерді сатуға тыйым салынғандығын ескерту мақсатында рейд жүргізілді. Мектеп инспекторымен бірлесе отырып өмірлік қиын жағдайға тап болған/жайсыз отбасылар/ балалардың ата-ана тарапына зорлық-зомбылыққа ұшырауын алдын алу мақсатында және тағы басқа іс-әрекеттерюді алдын алу үшін тұрғылықты мекен-жайларына барып,тұрмыс жағдайын тексеріледі.


А.С. Макаренко атындағы шағын орталықты орта мектептің жанында интернат болғандықтан, 11 интернат тәрбиеленушілері Құмөзектен тасымалданып отырады. Көлікпен тасымалдау үнемі жүзеге асыратын мектеп болғандықтан балаларды әр жұма күні көлікпен тасымалдау алдында көліктің техникалық жағдайы мен тахографтардың бар болуы және олардың жарамдылығы туралы құжаттар тексеріліп , жүргізушінің денсаулық жағдайы әр жексенбі мен жұма күндері балаларды тасымалдау алдында медбикенің тексеруінен өтіп отырады.
Баланың қауіпсізідігі үшін осындай игі шаралар әлі де жалғасын таппақ.